.png)
ప్రియాతి ప్రియమైన తెలుగు మిత్రులకు,
వాషింగ్టన్ నగరంలో నివసిస్తున్న ప్రతి ఒక్క తెలుగు సోదర సోదరి మనులకు ముందుగా పేరు పేరున హృదయ పూర్వక నమస్కారం తెలుపుతూ....ఎక్కడో దేశం కానీ దేశం లో కూడా మన దేశ సంస్కృతీ సంప్రదాయాలను గురించి మనకి తెలియచేస్తూ..మన అందరినీ ఒకే చోటకు చేరుస్తూ...మన సంస్కృతీ సంప్రదాయాలను గురించి తెల్సుకోవటానికి, పరిరక్షించుకోవటానికి వాషింగ్టన్ తెలుగు సమితి సరైన వేదిక.
ముందుగా నా పై పూర్తి నమ్మకంతో మరొకసారి అధ్యక్షుడిగా అవకాశం ఇచ్చిన వాషింగ్టన్ తెలుగు సమితి సభ్యులకి , నా శ్రేయోభిలాషులకు వాట్స్ తరుపున ప్రతి ఒక్కరికీ నూతన సంవత్సర మరియు సంక్రాంతి శుభాకాంక్షలు!!
2020 సంవత్సరం ద్వారా చాలామంది చాలా తెలుసుకోవాల్సి వచ్చింది, అలాగే చాలా నేర్చుకోవాల్సి వచ్చింది అని చెప్పడం లో ఏ మాత్రం అతిశయోక్తి లేదు....అలాగే 2020 క్యాలండర్ కరోనా తో మొదలై ప్రపంచానికి చేసిన నష్టం మాటల్లో చెప్పలేనిది...అలాగే సృష్టిలో జరిగే ప్రతి మంచి విషయం కానీ , చెడు విషయం కానీ మనకి ఏదోకటి నేర్పుతునే ఉంటుంది.ముఖ్యంగా కొన్ని సందర్బాల్లో ఎంత చెడు జరిగిన అందులో కొంత మంచి ఉండకనే ఉంటుంది అని నా అభిప్రాయం.. 2020 కరోనా సమయంలో అందరూ ఒక తాటిపైకి రావడం ఒకరికి మరొకరు తోడుగా ఉంటూ ఎప్పుడు లేని విధంగా చిన్న, పెద్ద అలా ప్రతి ఒక్కరూ ఎన్నో సేవా కార్యక్రమాలు నిర్వహిస్తూ అందరికీ సహాయపడటం చాలా సంతోషం. అలాగే నా ప్రయాణంలో ఎన్నో రకాల ఆర్గనైజేషన్ లో వాలంటీర్ ఉంటూ నా వంతు సర్వీస్ చేయడం ఆ దేవుడు నాకి ఇచ్చిన అదృష్టంగా భావిస్తున్నాను. అలాగే ముఖ్యంగా వాషింగ్టన్ తెలుగు సమితి లో గడిచిన కొన్ని సంవత్సరాలుగా నా ప్రయాణంలో నేను ఎన్నో విషయాలను తెలుసుకోవడం , ఎంతో మందికి సేవచేయడంలో నన్ను భాగస్వామిని చేసిన వాషింగ్టన్ తెలుగు సమితి కి, నా ప్రయాణంలో నాతో పాటు నడుస్తూ , నన్ని నడిపిస్తూ ఉన్న వాట్స్ సభ్యులకు నా ప్రత్యేక ధన్యవాదములు తెలుపుతూ..2020 ద్వారా అధ్యక్షుడిగా ఎన్నికైన అప్పటి నుండి కరోనా వైరస్ విజృంభించి ఎంత విలయ తాండవం చేసిందో అందరికీ తెలిసిన విషయమే ఈ కరోనా సమయంలో ముఖ్యంగా మన అన్న వాళ్ళను , ఎంతో మంది ఆప్తులను , మరి ఎంతోమంది ప్రముఖులను , మేధావులను కోల్పోవడం చాలా బాధాకరం అలాగే కరోనా సమయంలో భౌతికంగా కలిసే అవకాశం లేకపోవడం వలన వాట్స్ ప్రతి సంవత్సరం నిర్వహించే ఎన్నో కార్యక్రమాలకి ఇబ్బంది కలగడం చాలా బాధ పెట్టే విషయం ఐనప్పటికీ ఇంత ఇబ్బంది సమయంలో కూడా వాషింగ్టన్ తెలుగు సమితి ఎన్నో సేవా కార్యక్రమాలు నిర్వహించడం జరిగింది. ముఖ్యంగా జనవరి నెలలో రెండు తెలుగు రాష్ట్రాల్లో స్థానికంగా ఉన్న ప్రభుత్వ పాఠశాల లో వాటర్ ప్యూరిఫైయర్ లు డొనేట్ చేయడం జరిగింది. ఎంతో ఆనందంగా 2020 లో అందరుకలిసి పిబ్రవరి నెలలో అంగరంగ వైభవంగా సంక్రాంతి , గణతంత్ర దినోత్సవ వేడుకలు నిర్వహించడం జరిగింది. మే నెలలో ఇండియాలో కరోనా వల్ల ఇబ్బంది పడుతున్న కొంతమంది ఇల్లు లేని అభాగ్యులకు , అనాధలకు , వృద్ధులకు గుర్తించి వారికి నిత్యావసర సరుకులు, మెడిసిన్ అందించడం జరిగింది. తెలుగు మీద మక్కువతో వివిధ దేశాల్లో ఉన్న చిన్న పిల్లలకి తెలుగు నేర్పించే ఆలోచనతో తెలుగు బడి ప్రతి సంవత్సరం నిర్వహించే గ్రాడ్యుయేషన్ ప్రోగ్రామ్ నీ కోవిడ్ నియమాల దృష్ట్యా ఈ సంవత్సరం కూడా జూన్ నెలలో ఆన్లైన్ ద్వారా నిర్వహించడం జరిగింది. వాషింగ్టన్ , బోతెల్ , రెడ్మాండ్, నగరాలలో అందరికన్నా ముందుగా ఆలోచించి మాస్కుల పంపిన కార్యక్రమం నిర్వహించడం జరిగింది. ప్రతి సంవత్సరం లాగే ఏటా ఉగాది నాడు వదిలే తెలుగు వాణి మ్యాగ్జిన్ ను ఈ సంవత్సరం కూడా వదలడం జరిగింది. అలాగే అక్టోబర్ నెలలో ఎవరి ఇంటిదగ్గర వారు ఉంటూ ఆన్లైన్ ద్వారా బతుకమ్మ , దసరా ఉత్సవాలు నిర్వహించడం జరిగింది. నవంబర్ నెలలో కరోనా వల్ల కళాకారులు పడుతున్న ఇబ్బందులని గుర్తించి వారికి నిత్యావసర సరుకులు , మెడిసిన్ అందించడం జరిగింది.ముఖ్యంగా దీపావళి వేడుకలు ఆన్లైన్ ద్వారా ఎంతో ఘనంగా నిర్వహించడం అందులో ప్రతి ఒక్కరు పాల్గొనడం జరిగింది. ఇలా కరోనా వల్ల ఎన్ని ఇబ్బందులు ఉన్నప్పటికీ ప్రతి సంవత్సరం లాగే 2020 సంవత్సరం కూడా నిర్వహించడం అందుకు సహకరించిన ప్రతి ఒక్కరికీ వాషింగ్టన్ తెలుగు సమితి అధ్యక్షుడు గా నా ప్రత్యేక ధన్యవాదములు తెలియజేస్తున్నాను. అలాగే ఈ సంవత్సరం కూడా నాపై నమ్మకం ఉంచి తిరిగి మళ్ళీ నన్ను అధ్యక్షుడిగా ఎనుకొన్న వాషింగ్టన్ తెలుగు సమితి బోర్డ్ సభ్యులకు , నా అప్తులకి ప్రత్యేక ధన్యవాదములు తెలుపుతూ ప్రతి సంవత్సరం లాగే ఈ సంవత్సరం కూడా వాట్స్ ద్వారా ఇంకా ఎన్నో మరెన్నో కార్యక్రమాలు నిర్వహిస్తామని తెలియజేస్తూ ప్రతి ఒక్కరికీ నూతన సంవత్సర శుభాకాంక్షలు!!
సంఘం నాయకులు, వాలంటీర్లు, స్పాన్సర్లు మరియు దాతలకు నిరంతర మద్దతు ఇచ్చినందుకు ప్రత్యేక కృతజ్ఞతలు.
జై హింద్!!!
మీ
షకిల్ బాషా పోగాకు
వాషింగ్టన్ తెలుగు సమితి - అధ్యక్షుడు
